SYI.kz / Блог

Онлайн шақыру қағаз шақырудан несімен ыңғайлы

Қағаз шақыру — әдемі дәстүр. Бірақ жүз қонағы бар тойда оның кемшілігі тез байқалады: басып шығаруға уақыт пен ақша кетеді, әр үйге жеткізу керек, ал кім келетінін білу үшін бәріне қайта қоңырау шалу қажет.

Жеткізу — бірнеше минутта

Онлайн шақыру — бір сілтеме. Оны отбасының WhatsApp тобына немесе әр қонаққа жібересіз. Алматыдағы әріптеске де, Шымкенттегі нағашыға да бір мезетте жетеді.

Қонақ санын нақты білесіз

Қағаз шақыруға жауап бере алмайсың. Онлайн шақыруда қонақ «Келемін» немесе «Келе алмаймын» деп басып, неше адаммен келетінін жазады. Той иесі кабинетте жалпы санды көреді — тойханаға орын санын айту оңай.

Өзгерсе — қайта басудың қажеті жоқ

Уақыт ауысты ма, тойхана өзгерді ме — мәтінді кабинетте түзетесіз. Сілтеме сол күйі қалады, қонақтар жаңа ақпаратты бірден көреді.

Жол табу оңай

Шақыруда 2GIS, Яндекс және Google картасына сілтеме тұрады. Қонақ тойханаға жолды бір батырмамен ашады, мекенжайды қайта сұраудың қажеті жоқ.

Бағасы

SYI.kz-те негізгі онлайн шақыру тегін. Сурет, музыка немесе қонақтардың фото альбомы керек болса, тек сол опцияларға бір рет төлейсіз.

Қағаз шақыруды толық алмастыру міндетті емес: көп отбасы үлкен кісілерге қағаз шақыру береді, ал қалған қонақтарға сілтеме жібереді. Екеуі бір-бірін жақсы толықтырады.